每月比 £0.99 可以有打印 15 張紙嘅用量 每月比 £1.99 可以有打印 50 張紙嘅用量 每月比 £3.49 可以有打印 100 張紙嘅用量 每月比 £9.99 可以有打印 300 張紙嘅用量
根據今日Amazon賣緊 304 號墨 要 £13.49 一舊，但係我要買一舊彩色 & 一舊黑白嘅話，即係要 £26.98。
某程度出街買嗰啲未必打印到300張咁多，最煩就係冇墨嗰陣時先知道冇墨用，出街買又未必即刻有，你估真係落黃金咁方便咩，上Amazon訂又要等幾日(通常你搵嗰啲型號經常缺貨)。
結果我就參加咗佢呢個月供計劃
去HP個網頁度登記之前，最緊要睇返你部機係咪用到呢個計劃 (請睇圖)，最基本你部printer需要有得連接Wi-Fi功能， 但係你登記嘅時候你部printer係需要打印啲資料出嚟，所以你完全冇墨嘅話根本登記唔到，一定要出街買左一次先建議直接上Amazon訂墨返嚟算數，我之前揸車去PC world 同埋其他有機會買嘅公司都冇貨，嘥咗啲油錢&時間。
完成簡單又非常複雜嘅登記步驟之後，入埋信用卡資料，佢就會直接連住你部printer，當你唔夠用之前佢就會寄俾你，通常啲墨都係加加加大版，仲要附送一個回郵信封，俾你幾番用完嘅墨盒返去法國做回收。
佢就係要做到你係屋企永遠都有墨用嘅呢個服務。
可以同分銷商說再見